منتديات المحروسه |elmahrosa
دين ابوهم اسمه ايه ؟ >
منتديات المحروسه |elmahrosa
دين ابوهم اسمه ايه ؟ >
منتديات المحروسه |elmahrosa
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المحروسه |elmahrosa


 
الرئيسيةالبوابةأحدث الصورالتسجيلدخول

 

 دين ابوهم اسمه ايه ؟

اذهب الى الأسفل 
2 مشترك
كاتب الموضوعرسالة
ZIZO ELMASRY
شاعر المنتدى
شاعر المنتدى
ZIZO ELMASRY


اَلَجَنَسَيَهَ : دين ابوهم اسمه ايه ؟ Egypt10
اَلَجَنَسَ : ذكر
مَزَاَجَىَ : دين ابوهم اسمه ايه ؟ Pi-ca-10
MMS دين ابوهم اسمه ايه ؟ Top4top_669c08560b5
عَدَدَ اَلَمَسَاَهَمَاَتَ : 2
نَقَاطَ : 6
السٌّمعَة : 0
دين ابوهم اسمه ايه ؟ Awsema10

دين ابوهم اسمه ايه ؟ Empty
مُساهمةموضوع: دين ابوهم اسمه ايه ؟   دين ابوهم اسمه ايه ؟ I_icon_minitimeالأربعاء فبراير 01, 2012 1:13 am

بسم الله الرحمن الريحيم

اليوم سنقدم لحضراتكم احدى اشعار الاستاذ جمال بخيت

قصيدة : دين ابوهم اسمه ايه ؟




دين أبونا يا مسلمين
في يقيني
أعز دين
كلمة النور الأمين
كلمة الحق المبين
حكمة يكتبها الإله
فوق جبين الطيبين
دين أبونا يا محمد
انت سره
ومبتداه
انت إحساسه ومداه
دقة عارفينها في قلوبنا
لما نخشع للإله
لما نطلب يوم رضاه
لما نركع
لما نسجد
لما نفرح بالحياة





دين أبونا إبراهيم
رش جمر النار حنين
ع الخرايط والأماكن
اتولدنا طوافين
ذاكرين





دين أبويا لو مسيحي
رحمة لاجل العالمين
نصرة لاجل المظلومين
كلمة الحب اللي بايس
الصليب جوه الكنايس
ندهة الأجراس لمريم
والأمان للمجدلية
رحمة ليكو
ورحمة ليا
المسيح شايل آلامنا

لاجل يهدينا السلامة
خد أيمن
خد أيسر
العبادة مهيش كلام
عيش بإسم الإنسانية
وانسى نية
تدفعك للانتقام




دين أبويا دين إلهي
أينما كان اتجاهي
حتى لو كان دين يهودي
احنا مش ضد اليهود
موسى في القرآن وليد
يحضنه نيل الخلود
بين إيديه
تسعى عصاته
حية
وجدودنا شهود
سحرة آمنوا برب موسى
انقسم له بحر عاتي والجبل عرف السجود
رجعت الحية عصاية
حضنت التوراة وصايا
إوعى تقتل
إوعى تسرق
إوعى تزني
إوعى تقبل بالخضوع
بحر خير االكون يواتي
لما نفرد له القلوع
والجحيم ياكل سنينكم
لو فقير فيكم يجوع
الوصايا هي هي
أرتضيها زي ما هي
في ضميري وفوق شفاهي





دين أبويا دين إلهي
أينما كان اتجاهي
حتى لو كان مش إلهي
المجوسي يترعب من النار ويعبد
الإله اللي في خياله
ليه حرامه وليه حلاله
تسمعه في معبد دعاء
تلهمة رعشة رجاء
للبقر ناس يعبدوه
ويدينوله بالولاء
مش غباء
تعرفوا في البقرة إيه بيقدسوه ؟
العطاء




دين أبويا
أي دين
فيه عصاة أو مخطئين
بس في نهاية المطاف
فيه ملايكة ومؤمنين
ولرضا للصالحين
والهنا للصابرين
فيه مالاذ للعابدين الشاكرين
المشتاقين رغم الضياع
لليقين





دين أبويا
أي دين





اللي انا بقى معرفوش
الوحوش
الكروش
اللي لو طالوا رقابينا
بينهشوا مبيرحموش
دين أبوهم إسمه إيه ؟
اللي داسوا فوق رؤوسنا بالبيادة
اللي مشيوا بالببلاد للبلادة
اللي فتاويهم فساد للعقل
يقضى على العبادة
اللي مسحوا من الآيات معنى الشهادة
دين أبوهم اسمه إيه؟




لوثوا الدم في عروقنا
سدوا عين الشمس فوقنا
سرقوا ضوئنا
صادروا نيلنا
ودفعونا تمن وضوئنا
دين أبوهم اسمه إيه؟
اللي باع وطن بحاله
خضرته وصفرة رماله
نسوته وشهوة رجاله
بهجته ودمه وعياله
خطوته وسنين نضاله
ثورته ضد احتلاله
دين أبوهم اسمه إيه؟




مين إلهه ؟
مين رسوله؟
فين كتابه؟
فيه ملايكة وللا غابوا؟
فيه شياطين وللا تابوا ؟
لما شافوا التابعين
شرهم زاد عن جهنم شر لا يمكن حسابه
دين أبوهم اسمه إيه؟




حتى فرعون اللي صدق
انه من نسل الإله
واللي قال انه الإله
كان بيبني الأهرامات للمات قبل الحياة
كان له بعث ويوم حساب
كان له دولة
حضور
إدارة
كان منارة ترشد الكون للحضارة
كان له جيش فارض وجوده
كان محارب بين جنود
واما يتجاوز حدوده
كان له رب يغرقه وينقذ يهوده
حتى فرعون اللي صدق
انه من نسل الإله
واللي قال انه الإله
كان له كهنة في العلوم
يقروا في كتاب الكواكب
يرصدوا سير النجوم
يفتحوا له سكك بيبان
في سراديب الزمان
ويقولولو ازاي يدوم
حنطوه
خلدوه
بالمعاني والمباني والرسوم
كانوا كهنة مؤمنين
خلوا كلمة مصر دين
حاضرة في العهد القديم
حاضرة في العهد الجديد
حاضرة في القرآن حضور
الآيات فيها تدور
مفردة عز وجلال
معلنة وبين السطور
تخترع
ثانية وشهور
تخترع شعر وبحور
حتى فلاحها الفصيح
شكوته بتشع نور





إيه يا مصر
إيه يا أرض الطبيبين
اللي حكموا في الزمان ده يبقوا مين ؟
دين أبوهم اسمه إيه؟
حد يعرف فيكوا دين
كل أتباعه لصوص أو قوادين ؟
في المعاصي مولودين
في الكراسي مأبدين
في التفاهة معدودين
في السفاهة مفرودين
ع البلاهة مسنودين
للشراهة مجندين
ع القرف متعودين
ع الشرف متمردين
ع الوطن متنمردين
بالخيانة موحدين
اللي يعرف دين كده يقوللي عليه
دين أبوهم اسمه إيه؟

للشاعر الكبير : جمال بخيت
الرجوع الى أعلى الصفحة اذهب الى الأسفل
mahmoudtotti77
مؤسس الموقع
مؤسس الموقع
mahmoudtotti77


اَلَجَنَسَيَهَ : دين ابوهم اسمه ايه ؟ Egypt10
اَلَجَنَسَ : ذكر
مَزَاَجَىَ : دين ابوهم اسمه ايه ؟ Pi-ca-10
MMS دين ابوهم اسمه ايه ؟ Top4top_669c08560b5
عَدَدَ اَلَمَسَاَهَمَاَتَ : 528
نَقَاطَ : 1653
السٌّمعَة : 160
دين ابوهم اسمه ايه ؟ Awsema10

دين ابوهم اسمه ايه ؟ 1306505729454





دين ابوهم اسمه ايه ؟ Empty
مُساهمةموضوع: رد: دين ابوهم اسمه ايه ؟   دين ابوهم اسمه ايه ؟ I_icon_minitimeالأربعاء فبراير 01, 2012 1:17 am

والله قصيدى جميله
تسلم ايدك يا زيزو
الرجوع الى أعلى الصفحة اذهب الى الأسفل
https://elmahrosa.forumegypt.net
 
دين ابوهم اسمه ايه ؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» شاهيد كابور وكارينا كابور وفيلم هندى رومانسى اسمه Jab We Met 2007 dvdrip مترجم على اكثر من سيرفر

صلاحيات هذا المنتدى:لاتستطيع الرد على المواضيع في هذا المنتدى
منتديات المحروسه |elmahrosa :: الاقسام العامة :: شعر و خواطر و روايات-
انتقل الى: