سألني صاحبي هي مصر راحت فين ؟
مصر اللي لما الدنيا جاعت اكلتهم مرتين
مصر اللي عاش فيها يوسف و ادفن فيها الحسين
مصر بلاد موسى و نجاة عيسي و مقام السنين
مصر هاجر و ابنها و ماريا و ام المؤمنين
مصر زينب و نفيسة و اهل بيت الطاهرين
مصر اللي يوسف عنها قال بالسلام ادخلوها امنين
مصر اللي لما الدنيا مالت أيدت صلاح الدين
خرجت معاه بشعبها .. جريت بحور من دمها .. علشان يحرره فلسطين
اما جه يوم التتار .. كان يوميها في عين جالوت الانتصار
و الرايات فوق مباني القاهرة طايرة ترفرف بافتخار
و القمر طالل ينور فوق سماها كانه شعلة فوق فنار
مصر ابن يونس و هو ماشي على كوبري قصر النيل
يلمح زويل ويا نجيب طالعين في حضن الليل
منورين و كأن مصر .. عمرها ما هينطفي نورها مهما تعتم بالسنين
و النور ينور في ثورة 19
و يخرج من بيت الزعيم
و تلقى ابن كامل مصطفى و شوقي قاعد ينشدله بيتين و يقولو قول
و يقولو قول يا شوقي قول .. ايه اللي ممكن نسمعه احلى من مدح الرسول
و يخلص الشاب العظيم قعدته و يشرب قهوته
و يقوم يصلي مع الغزالي قبل ما يسافر فرنسا ركعتين
و يقف و يدعلها .. يصرخ يهللها
يا رب اشوفك .. زي ما كنتي زمان
فاكرة زمان .. راح فين كليبر و الانجليز ولا الرومان
ده لما راح منك صلاح جالك قطز راكب حصان
يا مصر يا اللي علمتي الناس يكتبوا
نصك يا بلدي ما بيعرفوش يكتبوا
و الامل فيكي بقى اخره رغيف
تاكله يا شعب و تتدراه في كنف اللطيف
يا مصر لازم تخلصي .. ارجوكي لازم تخلصي و اتكلمي
اتكملي مهما قالولك اخرسي
و اوعدك هيجي يوم و تفرحي و تزغرطي و تجري يا أما تخبطي على كل دار
مصر خلاص .. رجعت تنور للامم
راح الظلام المستعار .. راح الظلام المستعار
موضوع: سألني صاحبي هي مصر راحت فين ؟ 
الأحد يوليو 29, 2012 7:25 pm
