احوال الشباب (قبل الثوره)

مش هطول وأقول بس هحكم العقول

وادي واحد قال نفسي في وظيفه


قالوا موجوده وكمان نظيفه

قال بس تكون شريفه ضحكوا وقالوا نكته حلوه لطيفه


هو في دلوقتي شغلانه

دي بلادنا بقت نايمه وتعبانه


وكل الشباب أرفانه وعطلانه

قال هقول إيه ولا إيه


مهو كتر الكلام هيفيد بإيه

وهو الواحد عمل إلي عليه


لغايه ما طلعت عنيه

بس الوضع كده ما يتسكتش عليه


وواحد اتخرج من كليه تجاره

مكنش عايز يملك طياره


بس كان كل حلمه شقه في عماره

والكبار رامينا في وسط النار


وعاملين نفسهم تمام

وهم بس مأضيانها كلام


ده الشغل دلوقتي بقي في الأحلام

والله كده كفايه حرام


أصل الدنيا دي بقت غابه

الكبار فيها زي الديابه


بس أحنا إيه أحنا ناس غلابه

بقي كل الشباب حياتهم مرار وعذاب


وبتعاملوا في بلدهم زي الكلاب

نقول يا جدعان الرحمه


يقولوا نعملكوا إيه مالبلد زحمه